Kemaj tlatlankechia se koatl nelmauilili, tlaj se touampo ipantis uan amoj kipajtisej nimanj san tlalochomikij, tlaj ajkia kinekis kipaleuis moneki kiilpis ika se pestlej uan chikakuak kipatskas inkino kisas itenayoj; sekij amojmamaui, kichichimaj kampa eskistok uan nimaj chajchaj uajka kisa seki maseuajmej kiyekuaj kiteki ika navaja uajka kisa koatl itenkokokaj, nojkia tepatia ika manteca uan petróleo, kiijij tlachiajkayotl inkino mojkuenis tlan koatl itlenayoj, kino kipajtia se kokoxketl kampa xaki tepaktiketl.
Nojkia kitlaneui se tepajtiketl sanmaseualtsi yayaj kijtos kenik kimokuitlauise kokoxketl: tlanauatia yas ichaj ichtlakaya, maamoj kipantis se siuatl tlanemiltia, xoui kitlanauis kokoxketl uan mikis.
Nopaj tepaktiketl kichiua tlajpaloli pampa tlauel nomamajtia kokoxketl, kipopouaj ika chikontlaxkali, kemaj, kemaj ika sitlamali, uinotsi, iyatl, cantela uan popochtli, nokia kitlaneui Katia kiixpantia tlajpalolij tlen toteko kitlajtania chikaualistli uan nemilistlij.
Kema tlamij tlapalololij tanauatia tlajpatikej kinechikosej nochij tlen tlatekuiyayaj nopa kokoxkettl: petlatl, ilpalij, machete, tsonekauili, yoyomitl, tlakemitl, uan sekimok tlamantij, nochij konkaua kuatitla kampa xaki kiasis.
0 comentarios:
Publicar un comentario